ANG TAHANAN NI BERNARDA ALBA
Tungkol sa Dula
Matapos ang pagpanaw ng kanyang ikalawang asawa, hinatulan ni Bernarda Alba ang kanyang limang babaeng anak ng walong taong seklusyon bilang pagluluksa.
Sa kanilang paligid ay isang koro ng kababaihan na kumakatawan sa mga mata at tinig ng lipunang nagmamasid at humahatol.
PAGTATANGHAL · Pebrero 2027
TAGAL · Humigit-kumulang 90 minuto, walang intermedyo
WIKA · Filipino, walang English subtitles
TANGHALAN · Power Mac Center Spotlight Black Box Theatre
Dangal. Pagnanasa. Kalayaan.
Para kay Bernarda, higit sa lahat ang dangal ng pamilya. Ngunit sa likod ng mahigpit na pamamalakad niya ay nagkukubli ang matinding selos at kasawian sa pag-ibig na nararamdaman ng kanyang mga anak.
Nagbago ang lahat nang alukin ni Pepe el Romano ng kasal si Angustias, ang panganay na may pinakamalaking mana mula sa kanyang ama. Nabuksan ang mga pagnanasang matagal nang kinikimkim sa loob ng kanilang tahanan.
-
Bernarda — Ina nina Angustias, Magdalena, Amelia, Martirio, at Adela; pinahahalagahan ang tradisyon at katayuan ng pamilya.
Maria Josefa — Ang 80-anyos na ina ni Bernarda na naghahangad ng kalayaan.
Angustias — Panganay ni Bernarda at tanging anak niya sa unang asawa; tagapagmana ng yaman ng kanyang ama.
Magdalena — Ikalawang anak ni Bernarda, na nagdadalamhati sa pagpanaw ng kanyang ama.
Amelia — Ikatlong anak, na ibinabaling ang atensyon sa mga libro ng kanyang ama.
Martirio — Ikaapat na anak, na nahulog din ang loob kay Pepe el Romano.
Adela — Bunsong anak na napaibig kay Pepe el Romano.
Poncia — Punong kasambahay sa tahanan ng pamilya.
Blanca — Kasambahay na may itinatagong lihim.
Koro — Mga tinig ng lipunang nagmamasid at humahatol.
MULA KAY LORCA, SA KONTEKSTONG ASYANO
Isang dula. Isang bagong pagtingin.
Ang drama ni Federico García Lorca ay iniangkop sa kontekstong Asyano ni Chay Yew at isinalin sa Filipino ni Guelan Luarca.
Isang dula ni Federico García Lorca
Halaw at direksyon ni Chay Yew
Isinalin sa Filipino ni Guelan Valera-Luarca
Babala sa manonood
Ang dulang ito ay naglalaman ng maseselang pananalita at temang ukol sa karahasan, temang seksuwal, at pagpapatiwakal.
Basahin ang gabay sa edad at iba pang detalye →
Tuklasin ang mga lihim ng kanilang tahanan.
Pebrero 2027